Hayot Foundation CSR-platformasi "Quvonish yoʻli" hujjatli filmi premerasini oʻtkazdi
Qahramon oʻz hikoyasi orqali ayrim bolalar uchun taʼlim olish huquqi qanchalik qimmatli ekanligi va maktabga borish yoʻli naqadar mashaqqatli boʻlishi mumkinligi ochib beradi.
Hayot Foundation — "Renessans" tashabbuslarini qoʻllab-quvvatlash va rivojlantirish milliy markazi" CSR platformasining ochilishi doirasida Gross sugʻurta kompaniyasining moliyaviy koʻmagida rejissyor Doni Ahmadjonov tomonidan suratga olingan "Quvonish yoʻli" / "Shodlik yoʻli" qisqa metrajli hujjatli filmining premerasi boʻlib oʻtdi.
Film premerasi "Maktabga xavfsiz harakat" loyihasi ishga tushirilishining uzviy bir qismiga aylandi. Ushbu loyiha doirasida bolalarning bilim olish sari bosgan yoʻli kundalik sinov boʻlib qolayotgan chekka hududlarga maktab avtobuslari topshirildi.
Mazkur tashabbusni Hayot Foundation CSR-platformasining asosiy hamkorlari — Gross sugʻurta kompaniyasi, Kapitalbank, "Kelajak" respublika markazi hamda Maktabgacha va maktab taʼlimi vazirligi koʻmagi tufayli amalga oshirish mumkin boʻldi.
Film HAYOT Foundation va Buro Not from Content Creation Hub ijodiy hamkorligida yaratilgan.
"Biz har kuni maktabga borayotgan bolalarni koʻramiz. Biroq bu odatiy manzara ortida piyoda bosib oʻtiladigan kilometrlar, charchoq va xavf-xatarlar yashiringan. Koʻplab oilalar uchun bilim sari yoʻl bir necha daqiqalik sayr emas, balki murakkab kundalik real holatning bir qismidir. Aynan shuning uchun ham bizga muammo haqida shunchaki soʻzlab berish emas, uni his qilishga yordam berish muhim edi", — deya taʼkidladi Hayot Foundation loyiha ofisi rahbari Veronika Komarova.
Hujjatli filmning bosh qahramoni — ismi oʻzbek tilidan tarjima qilinganda "quvonch" maʼnosini anglatuvchi bolakay. Uning hikoyasi orqali ayrim bolalar uchun taʼlim olish huquqi qanchalik qimmatli ekanligi va maktabga borish yoʻli naqadar mashaqqatli boʻlishi mumkinligi ochib beriladi.
"Quvonish yoʻli" filmi ushbu tashabbus ortida turgan haqiqatni koʻrsatib beradi: bu — bolalar, oila va masofalar haqidagi, shuningdek, bitta toʻgʻri qaror butun bir jamoaning kundalik hayotini qanday oʻzgartirishi mumkinligi haqidagi hikoyadir.
"Uyimdan maktabgacha boʻlgan masofa — 13 kilometr. Avvallari piyoda borishim uchun 2–2,5 soat, velosipedda esa bir yarim soatcha vaqt ketardi. Ayniqsa, yomgʻir va qorda qatnash juda qiyin edi. Endi maktabga tezroq va xavfsizroq borib-kelishimdan juda xursandman. Onam ham men uchun kamroq xavotir oladigan boʻladilar", — deydi filmning bosh qahramoni.
Bu shunchaki hujjatli hikoya emas. Bu — toʻsiqlarni yengib oʻtishdan boshlanmasligi kerak boʻlgan bolalik haqidagi filmdir. Bu — sinovga aylanishi emas, balki bilimga yetaklashi lozim boʻlgan yoʻl haqida hamda nima uchun real koʻmak aynan bugun kerakligi haqidagi hikoyadir.
Filmni ushbu havola orqali tomosha qilish mumkin.
