Qirqdan oshiq oʻzbekistonlik Erondan qaytarildi
Ular Turkmaniston koʻmagi bilan “Saraxs–Seraxs” va “Gaudan–Bajgiran” chegara oʻtkazish punktlari orqali keltirildi.
Qirqdan oshiq oʻzbekistonlik Erondan qaytarildi.
Oʻzbekiston Tashqi ishlar vazirligi bir guruh vatandoshlarning Erondan Turkmaniston orqali tranzit yoʻli bilan qaytishini taʼminladi. Bu haqda “Dunyo” AA xabar berdi.
Oʻzbekistonning Ashxobod va Tehrondagi diplomatik vakolatxonalari Turkmanistonning tegishli idoralari bilan hamkorlikda viza va transport-logistika masalalarini tezkorlik bilan hal qildi.
Turkmaniston tomonining koʻmagi bilan 41 nafar Oʻzbekiston fuqarosi “Saraxs–Seraxs” va “Gaudan–Bajgiran” chegara oʻtkazish punktlarida kutib olingan.
Diplomatik xodimlar tomonidan ularning vatanga xavfsiz yetib kelishi taʼminlandi.
