Shavkat Mirziyoyev Britaniya fuqarolarini mukofotladi
Ular ikkinchi jahon urushi paytida konslagerdan qochgan oʻzbekka yordam koʻrsatib, jonini asrab qolgan.
Shavkat Mirziyoyev Buyuk Britaniya fuqarolari – marhum Jon va Fillis Emili Le Bretonlarni “Doʻstlik” ordeni bilan mukofotladi.
Ular ikkinchi jahon urushi davrida oʻz hayotlarini jiddiy xavf-xatarga qoʻyib boʻlsa-da, Jersi orolidagi fashistlar konslageridan qochib chiqishga muvaffaq boʻlgan oʻzbekistonlik askar Boqijon Akramovga oʻz uylaridan joy berib, uning jonini asrab qolgan.
Orden “ulkan jasorat va insonparvarlik fazilatlarini namoyon etganlari, dunyo xalqlari oʻrtasida tinchlik, doʻstlik va birodarlik gʻoyalarini targʻib etishda alohida oʻrnak koʻrsatganlari uchun” uchun berilgan.
