Javohir Sindarov yil oxirida jahon chempionligi uchun kurash olib boradi
Tadbir umumiy byudjeti 8,5 mln dollarga baholanmoqda, minimal mukofot jamgʻarmasi esa 2,5 mln dollarni tashkil etadi.
Javohir Sindarov yil oxirida jahon chempionligi uchun kurashadi.
FIDE 2026 yilda jahon chempioni unvoni uchun boʻlib oʻtadigan oʻyin sanalarini rasman eʼlon qildi. Oʻzbekistonlik shaxmatchi Javohir Sindarov 23 noyabrdan 17 dekabrga qadar amaldagi chempion Gukesh Dommaraju (Hindiston) bilan bahs olib boradi.
Musobaqa oʻtkaziladigan shahar hozircha aniqlanmagan. FIDE arizalarni 31 maygacha qabul qiladi.
Bu shaxmat tarixidagi eng “yosh” final boʻladi. Uchrashuv boshlanishida har ikki grossmeyster atigi 20 yoshda boʻladi.
Sport tadbirining umumiy byudjeti 8,5 mln dollarga baholanmoqda, minimal mukofot jamgʻarmasi esa 2,5 mln dollarni tashkil etadi.
