Uylar atrofida bolalar oʻynashi uchun maydonchalar boʻlishi lozim etib belgilandi
Jismoniy tarbiya mashgʻulotlari bilan shugʻullanish uchun maydonlar ham roʻyxatdan oʻrin olgan.
Maktabgacha va maktab yoshidagi bolalar oʻynashi uchun maydonchalar boʻlishi lozim etib belgilandi.
Adliya vazirligi Koʻp kvartirali uylarni saqlash va ulardan foydalanish qoidalari (roʻyxat raqami 3824, 29.04.2026 y.)ni davlat roʻyxatidan oʻtkazdi.
Boshqarish organi aholiga qulaylik yaratish maqsadida:
- koʻp kvartirali uyga tutash yer uchastkasida oʻrindiqlar oʻrnatishi;
- tegishli masofada chiqindilarni tashlash uchun chiqindilarni ajratuvchi oʻrnalar joylashtirishi lozim.
Uylarga tutash yer uchastkalarida quyidagi umumiy foydalanish maydonchalari boʻlishi kerak:
- maktabgacha va maktab yoshidagi bolalar oʻynashi uchun;
- katta yoshdagi aholining dam olishi uchun;
- jismoniy tarbiya mashgʻulotlari bilan shugʻullanish uchun;
- maishiy chiqindilarni yigʻish uchun;
- it va boshqa uy hayvonlarini sayr qildirish uchun;
- velosiped va boshqa mobil vositalarni (samokat, nogironligi boʻlgan shaxslar va bolalarning aravachalari) saqlash uchun.
Uylarga tutash yer uchastkasi hamda infratuzilma obʼektlari obodonlashtirilishi, daraxtlar va oʻsimliklarga, oʻtish yoʻlkalari va trotuarlarga suv sepish uchun muhandislik-texnik qurilmalar bilan jihozlanishi, elektr yoritish tizimiga ega boʻlishi kerak.
