Chirchiqda profilaktika inspektori qoʻlga olindi
U dastlab jinoiy guruh tomonidan fuqaroga yetkazilgan tan jarohati boʻyicha holatni "bosdi-bosdi" qilib berish evaziga 2,7 ming dollar olgan.
Profilaktika inspektoriga nisbatan jinoyat ishi qoʻzgʻatildi.
Toshkent viloyati Chirchiq shahar Ichki ishlar boshqarmasi profilaktika inspektori joriy yil fevral oyida 1990 y.t. I.Saidov yetakchiligidagi jinoiy guruh tomonidan 1994 y.t. fuqaroga yetkazilgan tan jarohati boʻyicha holatni “bosdi-bosdi” qilib berish evaziga undan 2700 AQSh dollari olgan va muqaddam 1000 dollarini jabrlanuvchiga bergan.
Davlat xavfsizlik xizmatining Toshkent viloyati boʻyicha boshqarmasi xodimlari tomonidan oʻtkazilgan tezkor tadbirda, profilaktika inspektori jabrlanuvchiga 300 AQSh dollari bergan vaqtida ashyoviy dalillar bilan ushlandi.
Hozirda unga nisbatan jinoyat ishi qoʻzgʻatilib, tergov harakatlari olib borilmoqda.
Shuningdek, profilaktika inspektorining mazkur noqonuniy harakatiga aloqador boʻlgan hamkasbini ham jinoyat ishiga jalb qilish choralari koʻrilmoqda.
