Chexiya bosh vaziri Toshkentda rasmiy kutib olindi
Prezident Shavkat Mirziyoyev oliy martabali mehmonni qutlab, uni shohsupaga taklif qildi. Soʻngra oliy darajadagi muzokaralar boshlandi.
30 aprel kuni Koʻksaroy qarorgohida mamlakatimizga rasmiy tashrif bilan kelgan Chexiya Respublikasi Bosh vaziri Andrey Babishni rasmiy kutib olish marosimi boʻlib oʻtdi.
Qarorgoh oldidagi maydonda faxriy qorovul saf tortdi. Oʻzbekiston Respublikasi Prezidenti Shavkat Mirziyoyev oliy martabali mehmonni samimiy qutlab, uni shohsupaga taklif qildi.
Harbiy orkestr ijrosida Oʻzbekiston va Chexiya davlat madhiyalari yangradi. Yetakchilar faxriy qorovul safi oldidan oʻtib, rasmiy delegatsiyalar aʼzolarini qutladilar.
Marosim yakunida birgalikda suratga tushilgandan soʻng oliy darajadagi muzokaralar boshlandi.
