Markaziy bank asosiy stavkani 14 foiz darajasida oʻzgarishsiz qoldirdi
Asosiy stavkani koʻrib chiqish boʻyicha navbatdagi yigʻilish 2026 yil 17 iyun kuniga belgilangan.
Markaziy bank boshqaruvining 2026 yil 29 apreldagi yigʻilishi yakunlari eʼlon qilindi.
Unga koʻra, Markaziy bank asosiy stavkani 14 foiz darajasida oʻzgarishsiz qoldirdi.
2026 yil mart oyida umumiy inflyatsiya yillik 7,1 foizgacha, bazaviy inflyatsiya esa 5,7 foizgacha pasaydi.
Umumiy inflyatsiya pasayishda davom etib, 2026 yil yakunida 6,5 foiz atrofida shakllanishi kutilmoqda.
Iqtisodiyotning barcha sohalarida yuqori oʻsish surʼatlari kuzatilmoqda: 2026 yil uchun iqtisodiy oʻsish prognozi 7–7,5 foizgacha oshirildi.
Tashqi iqtisodiy muhitda geosiyosiy ziddiyatlar, neft va oziq-ovqat narxlari hamda logistika xarajatlari ortishi inflyatsiya uchun qoʻshimcha tashqi xatarlar yaratmoqda.
Markaziy bankning pul-kredit siyosati inflyatsiyani 5 foizlik maqsadli darajaga pasaytirish, makroiqtisodiy barqarorlikni taʼminlash va aholining xarid qobiliyatini saqlashga qaratilgan boʻlib qoladi.
Asosiy stavkani koʻrib chiqish boʻyicha navbatdagi yigʻilish 2026 yil 17 iyun kuniga belgilangan, deyiladi xabarda.
