Saida Mirziyoyeva Xivadagi tarixiy binolarni koʻzdan kechirdi
Qadimiy markazning master-rejasi, yodgorliklarni restavratsiya qilish va muzeyga aylantirish masalalari muhokama etilgan.
Prezident Administratsiyasi rahbari Saida Mirziyoyeva Xivadagi tarixiy binolarni koʻzdan kechirdi.
Jumladan, Xivada Ichan-qalʼadagi asosiy obʼektlar — “Toshhovli” saroyi, Muhammad Amin inoq va Muhammad Aminxon madrasalari, Juma masjidi, “Koʻhna Ark” majmuasini koʻzdan kechirildi.
"Qadimiy markazning master-rejasi, shuningdek, yodgorliklarni restavratsiya qilish va muzeyga aylantirish masalalarini muhokama qildik.
Umumiy tarixiy ildizlarimiz, betakror milliy oʻzligimizni asrab-avaylash maqsadida Xorazm viloyatida madaniy merosni muhofaza qilish dasturi ishlab chiqiladi", deyiladi xabarda.
Avvalroq Saida Mirziyoyeva Prezident qarorlari ijrosini oʻrganish maqsadida Xorazmga borgani xabar berilgandi.
Yuzdan ortiq muammoli masala qisqa fursatda oʻz yechimini topdi. Obʼektlarning soni va koʻlamidan qatʼi nazar, ularning barchasi bitta-bitta, sinchiklab va oxirigacha oʻrganib chiqilishi aytilgan.
