Beshariq tumaniga yangi hokim tayinlandi
Novikov avvalroq Qoʻshtepa tumaniga rahbar ham boʻlgan. Prezident tanqididan soʻng ishdan olingandi.
Novikov Ilyos Valeriyevich Beshariq tumani hokimi lavozimiga tayinlandi.
Bungacha Novikov 2018-2024 yillarda Qoʻshtepa tumani hokimi boʻlib ishlagan.
2024 yil yanvar oyi oxirida prezident Shavkat Mirziyoyev 2023 yilda 16 ta tumanda birorta koʻp qavatli uy-joy qurilmagani, hokimlar buni reja ham qilmaganini aytgan va bosh vazirga mazkur tumanlar hokimlarining lavozimiga loyiqligini koʻrib chiqishni topshirgan edi. Oʻsha paytda Novikov ham ishdan olingandi.
Beshariq tumani hokimi Rasul Joʻrayev kecha Oʻzbekiston tumaniga rahbar boʻlib tayinlangandi.
