Bank kartalari, elektron va kripto-hamyonlar maʼlumotlarini qonunga hilof ravishda birovga berganlar javobgarlikka tortiladi

Qonunchilik palatasi deputatlari kiberxavfsizlikni taʼminlash va raqamli muhitda sodir etilayotgan huquqbuzarliklarga qarshi kurashish tizimini takomillashtirishga qaratilgan qonun loyihasini birinchi oʻqishda koʻrib chiqmoqda.

Qonun loyihasi bilan bank kartalari, elektron va kripto-hamyonlar hamda ularni boshqarish imkonini beruvchi maʼlumotlarni qonunga xilof ravishda boshqa shaxslarga berganlik uchun maʼmuriy va jinoiy javobgarlik belgilanmoqda.

Shuningdek, SIM-kartalar, shaxsiy akkauntlar va identifikatsiya vositalarini boshqa shaxslarga noqonuniy berish yoki ulardan foydalanish holatlari uchun ham javobgarlik choralari kuchaytirilyapti.

Loyihada muhim axborot infratuzilmasi obʼektlarida kiberxavfsizlik talablariga rioya etmaganlik uchun maʼmuriy javobgarlik belgilanyapti. Bank va toʻlov tashkilotlarida axborot xavfsizligi talablariga rioya etilmagani sababli yuzaga kelgan zararni banklar va toʻlov tashkilotlari tomonidan qoplash mexanizmi joriy etilmoqda.

Axborot texnologiyalaridan foydalanib sodir etilgan jinoyatlar uchun jazo choralari kuchaytirilmoqda. Tergov organlariga bank maʼlumotlarini taqdim etishning aniq muddatlarini belgilash hamda ushbu talablarni buzganlik uchun javobgarlik choralari qatʼiylashtirish taklif etilmoqda.

Muhokamalar davomida deputatlar qonun loyihasining ayrim normalarini yanada takomillashtirish zarurligini taʼkidlab, bir qator taklif va mulohazalarni bildirdilar.

Qonun loyihasi konseptual jihatdan birinchi oʻqishda qabul qilindi.