Amanjol Ayapov Qoraqalpogʻiston Maktabgacha va maktab taʼlimi vaziri etib tayinlandi

Qoraqalpogʻiston taʼlim tizimida yangi tayinlovlar amalga oshirildi.

Ayapov Amanjol Tlepovich - Qoraqalpogʻiston Respublikasi Maktabgacha va maktab taʼlimi vaziri lavozimiga tayinlandi.

Amanjol Ayapov tayinlovga qadar Qoraqalpogʻiston Kasbiy taʼlim agentligi direktori lavozimida ishlab kelgan.

Ayimbetov Bayrambay Sharapatdinovich - Qoraqalpogʻiston Respublikasi Kasbiy taʼlim agentligi direktori lavozimiga tayinlandi.

Bayrambay Ayimbetov tayinlovga qadar Oʻzbekiston Prezidenti huzuridagi Ijtimoiy himoya milliy agentligi Qoraqalpogʻiston Respublikasi boshqarmasida masʼul lavozimda ishlab kelgan.