Samarqandda salkam yarim million dollarga yer sotmoqchi boʻlganlar aniqlandi
Gumonlanuvchilardan biri 50 ming dollarni olgan vaqtida ashyoviy dalillar bilan qoʻlga olingan.
2 gektar yerni 490 ming dollarga sotmoqchi boʻlishdi.
Samarqand shahrida yashovchi, 1993 y.t. shaxs Samarqand tumanida istiqomat qiluvchi, 1983 y.t. fuqaro bilan til biriktirgan. Uning turmush oʻrtogʻiga issiqxona tashkil qilish uchun ajratib berilgan 2 gektar yer maydonini xaridorga 490 ming AQSh dollariga sotishini va mansabdor tanishlari orqali hujjatlarini rasmiylashtirib berishini aytib, oldindan 50 ming AQSh dollari talab qiladi.
DXX, IJQKD va IIB xodimlari hamkorligida oʻtkazilgan tezkor tadbirda 1993 y.t. shaxs 50 ming dollarni olgan vaqtida ashyoviy dalillar bilan ushlandi.
Hozirda mazkur ikki fuqaroga nisbatan jinoyat ishi qoʻzgʻatilib, tergov harakatlari olib borilmoqda.
Yer uchastkalarini ajratish va sotish faqatgina “E-AUKSION” elektron savdo platformasi orqali shaffof va qonuniy tarzda amalga oshiriladi.
