Prezident 6 hokimning lavozimiga loyiqligini koʻrib chiqishni topshirdi
Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish oʻrniga qayerdan bu maʼlumot Prezident darajasigacha yetib borganini qidirish bilan ovoraligi tanqid qilindi.
Ayrim rahbarlar tadbirkorning masalasini hal qilishi oʻrniga oʻzini chetga olayotgani, muammo respublika darajasiga chiqsa, aybini berkitish uchun oʻzini oqlab yurgani tanqid qilindi.
Masalan, Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish oʻrniga qayerdan bu maʼlumot Prezident darajasigacha yetib borganini qidirish bilan ovora.
Yoki Gʻuzor, Narpay, Urganch, Yangiyoʻl, Chinoz (Salixov) tumanlari hokimlari tadbirkorlik infratuzilmasi uchun berilgan tayyor pulga haligacha loyiha boshlamagani koʻrsatib oʻtildi. Vaholanki, biznes infratuzilmasini yaxshilash uchun ushbu tumanlarga bu yil respublikadan qoʻshimcha 262 milliard soʻm berilgan.
Tegishli viloyatlar hokimlariga nomi aytilgan tuman hokimlari “aravasini torta olmayotgan boʻlsa”, bugunning oʻzida lavozimiga loyiqligini koʻrib chiqish topshirildi.
