Oʻzbekistonda havo harorati 35 darajagacha koʻtarilishi kutiladi
Respublika boʻyicha baʼzi joylarda shamol tezligi kuchayishi, ayrim joylarda chang-toʻzonlar kuzatilishi mumkin.
Oʻzbekistonda havo harorati 35 darajagacha koʻtarilishi mumkin. Bu haqda "Oʻzgidromet" taqdim etgan prognozda aytiladi.
Bugun kunduzi Oʻzbekiston boʻyicha quruq va iliq ob-havo boʻlishi kutilmoqda. Havo harorati 24-27 daraja atrofida, respublika janubida va choʻl hududlarida 29-32 darajagacha boʻladi.
Dam olish kunlari respublika hududi boʻyicha asosan yogʻingarchiliksiz ob-havo boʻlishi kutilmoqda. Faqat 25 aprel — shanba kuni Qoraqalpogʻiston Respublikasi shimolida va Fargʻona vodiysida baʼzi joylarda, shuningdek, 26 aprel — yakshanba kuni Toshkent viloyatida ayrim joylarda biroz qisqa muddatli yomgʻir yogʻishi, momaqaldiroq boʻlishi mumkin. Shanba kuni kunduzi havo 28-31 darajagacha, shimolda, janubda va choʻl hududlarida 32-35 darajagacha isiydi.
Yakshanba kuni koʻpchilik viloyatlar boʻyicha havo harorati ushbu darajalar atrofida boʻladi. Faqat Qoraqalpogʻiston Respublikasi va Xorazm viloyatida kunduzgi harorat 20-23 darajagacha, Buxoro va Navoiy viloyatlarida esa 25-28 darajagacha pasayadi.
24-25 aprel kunlari shimolda va choʻl hududlarida, 26 aprelda respublika boʻyicha baʼzi joylarda shamol tezligi 15-20 m/s gacha kuchayishi, ayrim joylarda chang-toʻzonlar bilan kuzatilishi mumkin.
Toshkentda bugun kunduzi yogʻingarchilik kutilmaydi. Havo harorati 25-27 daraja boʻladi.
Shanba kuni yogʻingarchilik kutilmaydi. Yakshanba kuni kunning ikkinchi yarmida qisqa muddatli yomgʻir yogʻishi, momaqaldiroq boʻlishi mumkin, shamol tezligi 10-12 m/s gacha kuchayadi. Dam olish kunlari havo harorati 27-30 daraja atrofida boʻladi. Harorat asosan kechalari 14-17 daraja boʻladi.
