"Oʻzbekiston metallurgiya kombinati" sobiq raisi xalqaro qidiruvga berildi
Dilshod Ahmedovga nisbatan Jinoyat kodeksining 167-moddasi 3-qismi (oʻzlashtirish yoki rastrata yoʻli bilan talon-toroj qilish) boʻyicha ayblov qoʻyilgan.
"Oʻzbekiston metallurgiya kombinati" AJning sobiq boshqaruvi raisi Ahmedov Dilshod Tursunqulovich xalqaro qidiruvga berildi.
Unga nisbatan Jinoyat kodeksining 167-moddasi 3-qismi (oʻzlashtirish yoki rastrata yoʻli bilan talon-toroj qilish) boʻyicha ayblov qoʻyilgan.
Dilshod Ahmedov 2024 yil 16 oktabrda “Oʻzmetkombinat” AJ boshqaruv raisi etib tayinlangan. 2025 yil avgust oyida esa lavozimidan ozod etilgandi. Undan avval esa u investitsiyalar, sanoat va savdo vaziri oʻrinbosari, “Oʻzmetkombinat” AJ boshqaruvi raisining birinchi oʻrinbosari kabi lavozimlarda ishlagan.
Dilshod Ahmedov (1972 yilda tugʻilgan) — I.M.Gubkin nomidagi Rossiya davlat neft va gaz universiteti bitiruvchisi. Moskvadagi "Skolkovo" boshqaruv maktabida oʻqigan.
