Oʻzbekistondan Isroilga aviareyslar qayta tiklandi
Qatnovlar Eron-AQSh-Isroil urushi sabab toʻxtab qolgandi.
“Oʻzbekiston havo yoʻllari” 14 aprel kunidan Toshkent va Tel-Aviv oʻrtasida muntazam reyslarni qayta tikladi. Bu haqda Oʻzbekistonning Isroildagi elchixonasi maʼlum qildi.
Reyslar haftasiga uch marta — dushanba, seshanba va payshanba kunlari amalga oshiriladi.
Kompaniya 3 maydan boshlab qoʻshimcha yakshanba reyslarini yoʻlga qoʻyish orqali parvozlar jadvalini kengaytirishni rejalashtirayotganini aniqladi.
Ushbu reyslar Toshkent, Samarqand va Tel-Aviv oʻrtasida amalga oshiriladi.
Avvalroq, mart oyi oxirida aviakompaniya Eron atrofidagi keskinlik sabab Tel-Avivga reyslarni vaqtincha toʻxtatishga majbur boʻlgan edi. Havo qatnovining qayta tiklanishi Oʻzbekiston va Isroil oʻrtasida muntazam yoʻlovchilar qatnovini qayta tiklash imkonini beradi.
