Rossiya Erondan 632 kishini evakuatsiya qildi
Ular orasida uch nafar Oʻzbekiston fuqarosi ham bor.
Rossiya Erondan 632 kishini, jumladan, Oʻzbekiston, Belarus, Tojikiston, Qozogʻiston va Ukraina fuqarolarini evakuatsiya qildi.
Bu haqda Rossiyaning Isfahondagi bosh konsuli Andrey Jilsov RIA "Novosti" agentligiga maʼlum qildi.
"Shiddatli bombardimon va raketa hujumlari sharoitida xorijiy vakolatxonalar xodimlari Rossiya elchixonasi koʻmagida toʻrtta evakuatsiya reyslari orqali jangovar zonadan 632 kishini uyushgan va xavfsiz evakuatsiya qilishni taʼminladilar", dedi diplomat.
Uning taʼkidlashicha, Bushehr atom elektr stansiyasi xodimlari, jumladan, Belarus (81), Tojikiston (27), Armaniston (4), Oʻzbekiston (3) va Qozogʻiston va Ukrainadan bittadan fuqaro, Rossiya elchixonasi, Isfahondagi Rossiya bosh konsulligi xodimlari oila aʼzolari ham evakuatsiya qilingan.
Bosh konsulning soʻzlariga koʻra, 2024 yil aprel oyida Eron rasmiylari tomonidan hibsga olingan MSS Adier konteyner kemasi va MT ADARA tankeridan toʻqqiz dengizchi ham evakuatsiya qilingan.
