Turkiyadagi maktabda oʻsmir otishma sodir etdi
Jami 16 kishi yaralangan. Oʻsmir politsiya uni voqea joyida qoʻlga olishga uringanida oʻzini oʻldirgan.
Turkiyadagi maktabda otishma sodir boʻldi.
Oʻsmir mamlakat janubi-sharqida joylashgan Siverek shahridagi maktabda oʻt ochdi. Shanliurfa gubernatori Hasan Sildak jurnalistlarga bergan intervyusida qurolli shaxs oʻz joniga qasd qilishdan oldin kamida 16 kishini, jumladan, oʻquvchilar va oʻqituvchilarni yaralaganini aytdi.
Sildakning soʻzlariga koʻra, 19 yoshli sobiq oʻquvchi miltiqdan foydalangan va yaradorlar shifoxonaga yotqizilgan. Uning qoʻshimcha qilishicha, yaradorlardan 12 nafari hali ham shifoxonada.
2007 yilda tugʻilgan qurolli shaxs politsiya uni voqea joyida qoʻlga olishga uringanida oʻzini oʻldirgan. U 9-sinfga qadar ushbu maktabda oʻqigan.
Hodisa sabablari nomaʼlum.
