Qirgʻiziston sobiq prezidentining ukasi Oʻzbekistonda vafot etdi
Axmat Bakiyev bir nechta shov-shuvli jinoiy ishlarda sudlanuvchi sifatida tanilgan. 2011 yil avgust oyida sud uni ommaviy tartibsizliklarni uyushtirish, etnik nafratni qoʻzgʻatish, tovlamachilik va firibgarlikda aybdor deb topib, yetti yilga qattiq tartibli koloniyaga hukm qilgandi.
Qirgʻizistonning sobiq prezidenti Kurmanbek Bakiyevning ukasi Ahmat Bakiyev 66 yoshida vafot etdi.
Dastlabki maʼlumotlarga koʻra, u uzoq davom etgan kasallikdan soʻng 13 aprel kuni vafot etgan. U soʻnggi yillarda Oʻzbekistonda yashab kelgan.
Axmat Bakiyev bir nechta shov-shuvli jinoiy ishlarda sudlanuvchi sifatida tanilgan. 2011 yil avgust oyida sud uni ommaviy tartibsizliklarni uyushtirish, etnik nafratni qoʻzgʻatish, tovlamachilik va firibgarlikda aybdor deb topib, yetti yilga qattiq tartibli qamoqqa hukm qildi.
Biroq, 2012 yil mart oyida sogʻligʻi yomonlashgani sababli qamoqxonadan shifoxonaga oʻtkazilgandan soʻng, u qochib ketdi va Qirgʻiziston huquqni muhofaza qilish organlari tomonidan qidiruvga berildi.
Hozirda oʻlim sababi yoki dafn etilgan joy haqida rasmiy tasdiq yoʻq. Norasmiy maʼlumotlarga koʻra, uning dafn marosimi Manas shahrida boʻlib oʻtishi mumkin.
