Erdoʻgʻon Isroilga qarshi harbiy kuch ishlatishga tayyorligini eʼlon qildi
Turkiya rahbari Isroilni Falastin va Livanga qarshi harakatlarda aybladi va Anqara qatʼiy choralar koʻrishini bildirdi.
Turkiya prezidenti Rajab Toyyib Erdoʻgʻon Isroilga qarshi harbiy kuch ishlatish variantini istisno etmadi. Bu haqda The Jerusalim Post xabar berdi.
Istanbulda boʻlib oʻtgan Osiyo siyosiy partiyalari xalqaro konferensiyasida soʻzlagan nutqida turk rahbari Isroilni Falastin va Livanga qarshi harakatlarda aybladi va Anqara qatʼiy choralar koʻrishga tayyorligini eʼlon qildi.
"Biz Qorabogʻ yoki Liviyaga kirganimiz kabi, ularga ham shunday qilamiz", dedi u.
Gʻazodagi urush boshlangandan buyon Turkiya va Isroil munosabatlari amalda toʻxtab qoldi. Mamlakatlar diplomatik aloqalari inqiroz yoqasiga kelib qoldi.
11 aprel kuni turk prokurorlari genotsid ayblovlari bilan sirtdan hibsga olingan Isroil bosh vaziri Benyamin Netanyaxuga umrbod qamoq jazosini rasman soʻradilar.
