Oʻzbekiston hududiga salqin va nam havo massalari kirib keladi
Respublikaning baland togʻli hududlarida yomgʻir qorga aylanishi mumkin.
Oʻzbekiston hududida harorat pasayib, togʻli hududlarda qor yogʻishi mumkin. Bu haqda "Oʻzgidromet" xabarida aytiladi.
Joriy yilning 14-17 aprel kunlari Oʻzbekiston hududiga nam va salqin havo massalari kirib keladi.
14 aprelda Oʻzbekistonning shimoli-gʻarbiy hududlarida, 15-17-aprelda respublikaning koʻpchilik viloyatlarida yomgʻir yogʻadi, baʼzi joylarda kuchli boʻladi. Momaqaldiroq kuzatilishi mumkin.
Respublikaning baland togʻli hududlarida yomgʻir qorga aylanishi kutilmoqda.
Oʻzbekiston boʻyicha baʼzi joylarda shamol tezligi 15-20 m/s gacha, ayrim joylarda baʼzida 25-28 m/s gacha kuchayadi, 14-15-aprelda ayrim joylarda chang-toʻzonlar bilan kuzatilishi mumkin.
15-17 aprelda kunduzgi havo harorati asta-sekin 13-16 darajagacha pasayadi.
