Kambagʻallik va bandlik darajasi aslida qay ahvolda?
Platina.uz mazkur masalada Kambagʻallikni qisqartirish va bandlik vazirligining aholi bandligi departamenti boshligʻi Sobir Hayitmurotov bilan suhbatlashdi.
Oʻzbekistonda aholi bandligini taʼminlash, kambagʻallikni qisqartirish va daromadlar barqarorligini oshirish bugungi kunda davlat siyosatining ustuvor yoʻnalishlaridan biriga aylangan. Soʻnggi yillarda ushbu sohada keng koʻlamli islohotlar amalga oshirilib, yangi ish oʻrinlari yaratish, mehnat bozorini muvozanatlashtirish va aholining iqtisodiy faolligini oshirishga qaratilgan tizimli chora-tadbirlar izchil davom ettirilmoqda.
Shu bilan birga, jamiyatda ish oʻrinlari sifati, ularning barqarorligi va aholining real ehtiyojlariga mosligi haqida turli fikr va mulohazalar ham mavjud. Ayrim hollarda yaratilayotgan ish oʻrinlari samaradorligi yoki ularning aholi daromadlariga taʼsiri yuzasidan savollar koʻtarilmoqda.
Mazkur masalalarga oydinlik kiritish, amalga oshirilayotgan islohotlarning mazmun-mohiyati va natijadorligini keng jamoatchilikka yetkazish maqsadida Kambagʻallikni qisqartirish va bandlik vazirligining aholi bandligi departamenti boshligʻi Sobir Hayitmurotov bilan suhbat tashkil etildi. Ushbu intervyuda mehnat bozoridagi bugungi tendensiyalar, ish oʻrinlari yaratish boʻyicha amaliy yondashuvlar, shuningdek, aholini munosib daromad manbalari bilan taʼminlash borasidagi muhim jihatlar atroflicha muhokama qilinadi.
