Eron huqumati xalqni "AQSh ustidan gʻalaba" bilan tabrikladi
Qoʻshma Shtatlar Eronning Hormuz boʻgʻozi ustidan nazoratini saqlab qolish, qurolli kuchlarini mintaqadan olib chiqish va barcha jabhalarda harbiy harakatlarni toʻxtatish majburiyatini olgan.
Eron Oliy Milliy Xavfsizlik Kengashi mamlakat fuqarolarini AQSh va Isroil bilan mojarodagi gʻalaba bilan tabrikladi. Bu haqda Tasnim agentligi xabar berdi.
Kengash tinchlik kelishuvining tafsilotlari yakunlanishidan oldin Islom Respublikasining "rahbarlarining qatʼiyati va donoligi", shuningdek, Eron xalqining birligi zarurligini taʼkidladi.
Mamlakat rahbariyatining soʻzlariga koʻra, Qoʻshma Shtatlar Eronning Hormuz boʻgʻozi ustidan nazoratini saqlab qolish, qurolli kuchlarini mintaqadan olib chiqish va barcha jabhalarda harbiy harakatlarni toʻxtatish majburiyatini olgan.
Kengash shuningdek, Amerika tomoni kompensatsiya toʻlashga va barcha asosiy va ikkilamchi sanksiyalarni bekor qilishga vaʼda berganini maʼlum qildi.
AQSh prezidenti Donald Tramp ilgari Amerika tomoni eronliklar tomonidan taklif qilingan 10 banddan iborat tinchlik rejasini qabul qilganini tasdiqlagan edi. OAV xabarlariga koʻra, unda Eron kengashi tomonidan sanab oʻtilgan shartlar ham bor edi. Biroq, Donald Tramp ilgari Tehronning takliflari "yetarli emas" ekanligini aytgan edi.
7 aprel kuni AQSh prezidenti Donald Tramp Eron bilan sulh bitimini ikki haftaga uzaytirdi. Uning soʻzlariga koʻra, tomonlar tinch yoʻl bilan hal qilish yoʻlida oldinga siljishlarga erishdilar.
Isroil bu vaqt ichida Eronga hujumlarni ham toʻxtatadi. Tramp Yaqin Sharq uchun "oltin davr"ni vaʼda qildi. Vashington va Tehron oʻrtasidagi muzokaralar 10 aprel kuni Pokistonning Islomobod shahrida boʻlib oʻtishi rejalashtirilgan.
