Akrom Shukurov Oliy sud raisi oʻrinbosari etib saylandi
U turli yillarda Toshkent shahar sudi sudyasi, fuqarolik ishlari boʻyicha Namangan viloyat sudi raisi, Jizzax viloyat sudi raisining oʻrinbosari sifatida ishlagan.
Akrom Shukurov Oliy sud raisi oʻrinbosari etib saylandi.
Bugun boʻlib oʻtgan Oliy Majlis Senati 14-yalpi majlisi qarori bilan Akram Gʻayratovich Shukurov sudyalik lavozimida boʻlishning muddatsiz davriga, shundan besh yil muddatga Oʻzbekiston Respublikasi Oliy sudi raisining oʻrinbosari – sudlov hayʼati raisi etib saylandi.
Sudyalik faoliyatini fuqarolik ishlari boʻyicha tumanlararo sudida boshlagan Akrom Shukurov turli yillarda Toshkent shahar sudi sudyasi,fuqarolik ishlari boʻyicha Namangan viloyat sudi raisi, Jizzax viloyat sudi raisining oʻrinbosari – fuqarolik ishlari boʻyicha sudlov hayʼati raisi, mazkur viloyat sudining raisi lavozimlarida ham faoliyat koʻrsatgan.
"Sodiq xizmatlari uchun" medali sohibi.
