Islom Karimov yodgorlik majmuasini taʼmirlash uchun 3,4 mlrd soʻm ajratiladi
Bu haqda Toshkent shahar hokimi Shavkat Umrzoqovning qarori eʼlon qilindi.
Toshkent shahridagi Islom Karimov nomidagi Ilmiy-maʼrifiy yodgorlik majmuasi hududida taʼmirlash va obodonlashtirish ishlari amalga oshiriladi.
Ushbu loyiha uchun Toshkent shahrini rivojlantirish jamgʻarmasi mablagʻlari hisobidan jami 3 435,0 mln (uch milliard toʻrt yuz oʻttiz besh million) soʻm ajratilishi belgilandi. Bu haqda Toshkent shahar hokimi Shavkat Umrzoqovning 2026 yil 6 apreldagi qarorida aytiladi.
Mazkur ishni amalga oshirishga Toshkent shahar hokimligining "Yagona buyurtmachi xizmati" injiniring kompaniyasi masʼul etib belgilandi. Mazkur kompaniya (A.Rahmonov) belgilangan tartibda bosh loyihachi va pudrat tashkilotlarini tanlab oladi.
Qarorning ijrosini nazorat qilish bevosita Toshkent shahar hokimining birinchi oʻrinbosari B. Rahmonov zimmasida qoldirildi. B. Rahmonov va "Toshkent Invest kompaniyasi mablagʻlarning maqsadli sarflanishini taʼminlash va amalga oshirilgan ishlar yuzasidan Xalq deputatlari Toshkent shahar Kengashiga hisobot kiritadi.
