"Kutilmagan tashrif": Zelenskiy Suriyaga bordi
Tomonlar xavfsizlik masalari boʻyicha katta kelishuvga erishishi mumkinligi qayd etilgan.
Ukraina prezidenti Vladimir Zelenskiy Suriyaning vaqtinchalik Prezidenti Ahmad ash-Sharaa bilan uchrashdi. Bu haqda Ukraina rahbari Telegram sahifasida eʼlon qildi.
Mazkur tashrif Asad rejimi qulagandan keyin Ukraina rahbarining Suriyaga ilk tashrifidir.
"Biz xavfsizlikni oshirish va rivojlanish imkoniyatlarini taʼminlash uchun birgalikda ishlashga kelishib oldik", deyiladi bayonotda.
Rahbarlar mintaqadagi vaziyat va uni yaxshilash istiqbollarini, shuningdek, Rossiya-Ukraina mojarosini muhokama qilishdi.
Zelenskiy "harbiy xodimlar va xavfsizlik boʻyicha tajriba almashishga katta qiziqish borligini" qoʻshimcha qildi. Zelenskiy va al-Sharaa shuningdek, Ukrainaning "oziq-ovqat mahsulotlarining ishonchli yetkazib beruvchisi" sifatidagi rolini muhokama qilishdi va mintaqada oziq-ovqat xavfsizligini mustahkamlash imkoniyatlarini muhokama qilishdi.
Taʼkidlash kerakki, yanvar oyida ash-Sharaa Rossiya prezidenti Vladimir Putin bilan uchrashish uchun Rossiyaga tashrif buyurgandi.
