Afgʻonistonda suv toshqinlari tufayli qariyb 100 kishi halok boʻldi
Tabiiy ofat 5000 ta uyni toʻliq yoki qisman vayron qildi, 355 kilometrlik yoʻllarni yuvib ketdi.
Afgʻonistonda suv toshqini tufayli qariyb 100 kishi halok boʻldi.
Toʻqqiz kun ichida suv toshqinlari 99 kishining hayotiga zomin boʻldi, yana 154 kishi jarohat oldi. Kuchli yomgʻirlar davom etmoqda va sinoptiklar yana suv toshqinlari haqida ogohlantirmoqda, deb xabar beradi Sinxua agentligi.
26 mart kuni kuchli yomgʻirlar boshlanib, butun mamlakat boʻylab suv toshqinlari va koʻchkilarga sabab boʻldi. Tabiiy ofat 5000 ta uyni toʻliq yoki qisman vayron qildi, 355 kilometrlik yoʻllarni yuvib ketdi va 14000 akrdan ortiq qishloq xoʻjaligi yerlarini suv bosdi. 8532 oila jabr koʻrdi.
"Eng koʻp zarar koʻrgan hududlarga qutqaruv va gumanitar guruhlar yuborildi. Zararni baholash ishlari davom etmoqda", dedi Milliy tabiiy ofatlarni boshqarish boshqarmasi vakili Yusuf Hammad.
Meteorologlar yana kuchli yomgʻir yogʻishini bashorat qilmoqdalar va 34 ta viloyatda suv toshqini boʻlishi mumkinligi haqida ogohlantirdilar.
