Abduqodir Husanov Krishtianu Ronaldu bilan taqqoslandi
Bu mavsumda futbolchi 29 ta oʻyinda maydonga tushdi va mart oyida "Siti"ning eng yaxshi oʻyinchisi deb topildi.
"Manchester Siti" va Oʻzbekiston milliy terma jamoasi himoyachisi Abduqodir Husanov portugaliyalik yulduz Krishtianu Ronaldu bilan taqqoslandi.
"Abduqodir Husanov - Krishtianu Ronalduning oʻzbekcha ekvivalenti.
Poytaxt Toshkentda hamma Husanovning kimligini biladi.
Uning yuzi ulkan reklama taxtalarida aks etgan va shaxsiy hayotidagi muhim voqealar milliy yangiliklarga aylanadi.
Mamlakatning Jahon chempionatidagi muvaffaqiyatga boʻlgan butun umidlari 22 yoshli "Manchester Siti" markaziy himoyachisining yelkasida", deb yozadi The Athletic.
Husanov 2025 yil yanvar oyida "Manchester Siti"ga qoʻshildi: ingliz klubi uni Fransiyaning "Lans" klubidan 40 million yevroga sotib oldi.
Bu mavsumda oʻzbekistonlik barcha musobaqalarda 29 ta oʻyinda maydonga tushdi va mart oyida "Siti"ning eng yaxshi oʻyinchisi deb topildi.
Husanov Toshkentning "Bunyodkor" klubi tarbiyalanuvchisi sanaladi.
