Yerda oʻrta darajada magnit boʻroni boshlandi
Boʻron juma kunidan shanbaga oʻtar kechasi (3-4 aprel) kuchayib, yuqori darajaga chiqishi mumkin.
Yerda oʻrta darajada magnit boʻroni boshlandi.
Yer yuzida moʻʼtadil magnit boʻroni roʻy bermoqda. Bu hodisa gʻayrioddiy shakldagi toj teshigidan hosil boʻlgan quyosh shamoli bilan bogʻliq.
Boʻronlarning umumiy davomiyligi taxminan uch kunni tashkil qilishi kutilmoqda. Boʻron juma kunidan shanbaga oʻtar kechasi (3-4 aprel) kuchayishi mumkin.
Rossiya kosmik tadqiqotlar instuti laboratoriyasi maʼlumotlariga koʻra, quyosh diskining markaziy qismiga qarab katta quyosh dogʻlari guruhi harakatlanmoqda.
"Bu holatda har qanday plazma buluti toʻgʻridan-toʻgʻri Yerga qarab uchadi, bu esa radiatsiya boʻronini qoʻzgʻatish ehtimoli yuqori", deb xabar berishdi olimlar.
Eng soʻnggi shunday kuchli geomagnit hodisa 21 va 22 mart kunlari qutb nurlari bilan birga sodir boʻlgandi.
