Shavkat Mirziyoyev Qozogʻistonga borishi kutiladi
Ostonada Orol dengizini qutqarish xalqaro jamgʻarmasi Davlat rahbarlari kengashining yigʻilishi boʻlib oʻtadi.
Shavkat Mirziyoyev 22 aprelda Qozogʻistonga boradi.
Qozogʻiston ommaviy axborot vositalarining xabar berishicha, 22 aprel kuni Markaziy Osiyo mamlakatlari rahbarlari Ostonaga tashrif buyurishadi.
"Orol dengizini qutqarish xalqaro jamgʻarmasi Davlat rahbarlari kengashining yigʻilishi Qozogʻiston poytaxtida boʻlib oʻtadi", deyiladi xabarda.
Jamgʻarma tarkibiga Qozogʻiston, Qirgʻiziston, Tojikiston, Turkmaniston va Oʻzbekiston kiradi.
Davlat rahbarlarining yigʻilishi kamida uch yilda bir marta oʻtkaziladi. Yigʻilish oxirgi marta 2023 yilda Dushanbeda boʻlib oʻtgan, oʻshanda Qozogʻiston prezidenti uch yillik muddatga jamgʻarma rahbari etib saylangan edi.
