Javohir Sindarov Nomzodlar turnirining yakka peshqadamiga aylandi
U Fabiano Karuanani magʻlub etdi. Ushbu shaxmatchi turnirning toʻrtinchi turida asosiy favoritlardan biri edi.
Javohir Sindarov amerikalik Fabiano Karuanani magʻlub etib, Nomzodlar turnirining yakka peshqadamiga aylandi.
Kiprning Pafos shahrida FIDE Candidates Tournament 2026 nufuzli xalqaro musobaqasi boʻlib oʻtmoqda.
Oʻzbekistonlik shaxmatchi Javohir Sindarov Nomzodlar turnirining toʻrtinchi turida asosiy favoritlardan biri — Fabiano Karuana ustidan muhim gʻalabani qoʻlga kiritdi.
Sindarov Nomzodlar turnirining dastlabki toʻrt turida 3,5 ochko jamgʻargan ilk ishtirokchiga aylandi.
Sindarovning musobaqadagi muvaffaqiyatli yurushi unga jahon reytingida 6-oʻringa koʻtarilishga imkon berdi. Hozirda yana bir shaxmatchimiz Nodirbek Abdusattorov 4-oʻrinda bormoqda.
Reytingni norvegiyalik Magnus Karlsen boshqarib bormoqda, Hiraku Nakamura ikkinchi pogʻonani egallab turibdi.
