Chexiya bosh vaziri Andrey Babish Oʻzbekistonga keladi
Chexiya delegatsiyasi Toshkent, Ostona va Bokuga tashrif buyuradi. Dasturga biznes forumlari, seminarlar va uchrashuvlar kiritilgan.
Chexiya Bosh vaziri Andrey Babish Oʻzbekistonga keladi.
Mazkur tashrif mintaqaviy miqyosda boʻlib, 26-30 aprel kunlari Chexiya Bosh vaziri Qozogʻiston va Ozarbayjonga ham tashrif buyuradi.
Ushbu tashrif davomida Bosh vazirga Chexiya sanoat va savdo vaziri Karel Havlichek va chexiyalik tadbirkorlarning vakillik delegatsiyasi hamrohlik qiladi.
Tur davomida Chexiya delegatsiyasi Boku, Ostona va Toshkentga tashrif buyuradi. Dasturga biznes forumlari, tematik seminarlar, B2B va B2G tarmoq tadbirlari kiradi.
Ushbu uchrashuvlarning maqsadi yangi biznes aloqalarini oʻrnatishga koʻmaklashish va qabul qiluvchi mamlakatlardagi biznes hamjamiyati bilan hamkorlikni kengaytirishdir.
