Tramp AQSh NATOdan chiqib ketish haqida jiddiy oʻylayotganini aytdi
U NATO hamkorlarining ishonchliligiga uzoq vaqtdan beri shubha bilan qaraganini qoʻshimcha qildi.
AQSh prezidenti Donald Tramp NATOdan chiqib ketish haqida jiddiy oʻylamoqda.
Prezident har doim alyansni "qogʻoz yoʻlbars" deb hisoblaganini va endi ittifoqdan chiqishni jiddiy koʻrib chiqayotganini aytdi. U NATO hamkorlarining ishonchliligiga uzoq vaqtdan beri shubha bilan qaraganini qoʻshimcha qildi.
"NATO menga hech qachon taʼsir qilmagan. Men ularning qogʻoz yoʻlbarslar ekanligini har doim bilardim. Aytgancha, Putin ham buni biladi", dedi AQSh prezidenti The Telegraph nashriga bergan intervyusida.
Yaqin Sharqdagi mojarodan keyin AQShning NATOga aʼzoligi haqidagi pozitsiyasi oʻzgaradimi, degan savolga u: "Ha, ha, men uni qayta koʻrib chiqish mumkin emas, deb aytardim", deb javob berdi.
17 mart kuni Donald Tramp NATO mamlakatlarini Eronga qarshi harbiy operatsiyada ishtirok etishdan va Hormuz boʻgʻozini ochishga yordam berishdan bosh tortgani uchun tanqid qildi. Uning taʼkidlashicha, ittifoq mamlakatlari AQSh hukumati oʻz mudofaasiga "yuzlab milliardlab dollar" sarflaganiga qaramay, "ayniqsa muhtoj paytlarda" Qoʻshma Shtatlar uchun "hech narsa qilmaydi".
Keyinroq Tramp AQSh uning iltimosini rad etgan mamlakatlarga endi yordam bermasligini eʼlon qildi.
