Jizzaxda jamoat transportiga haq toʻlashda naqd puldan voz kechildi
Mazkur qoida 2026 yil 1 apreldan kuchga kirdi.
Jizzaxda jamoat transportiga haq toʻlashda naqd puldan voz kechildi. Bu haqda Jizzax viloyati hokimi qarorida aytiladi.
Qaror 2026 yil 31 mart kuni eʼlon qilingan.
Unga koʻra, bir yoʻlovchi uchun narx 3000 soʻm (QQS bilan), elektron toʻlov tizimi (ATTO) orqali toʻlashda ragʻbatlantiruvchi chegirma qoʻllanilgan holda 2100 soʻm (QQS bilan) hamda qatnovlar soniga bogʻliq holda belgilangan tarif rejalarini hisoblash uchun cheklangan tarif-2 100 (ikki ming bir yuz) soʻm (QQS bilan) qilib belgilandi.
Jizzax shahri yoʻnalishlaridagi avtobuslar salonida 2026 yil 1 apreldan boshlab yoʻl haqini naqd pulda qabul qilish amaliyotidan voz kechildi hamda yoʻl haqi faqat elektron toʻlovlar orqali qabul qilinishi joriy etildi.
Bekatlarda maxsus infokiosklar oʻrnatiladi.
Ushbu qaror eʼlon qilingandan darhol kuchga kirgan.
