Italiya ketma-ket uchinchi bor JChdan quruq qoldi
Jahon chempionatining Yevropadagi barcha ishtirokchilari va Oʻzbekistonning K guruhidagi raqibi ham maʼlum boʻldi.
Yevropada jahon chempionati oʻtish oʻyinlarining final bosqichi yakunlandi. Italiya terma jamoasi ketma-ket uchinchi marta mundialga bora olmaydigan boʻldi.
Bosniya-Gersegovina va Italiya uchrashuvining asosiy vaqti 1:1 hisobida yakunlandi. Alessandro Bastoni 41-daqiqada qizil kartochka olib, italyanlarni ogʻir ahvolga solib qoʻydi.
Oʻyin taqdirini penaltilar seriyasi hal qildi. Italiya safida Espozito va Kristante gol urolmadi. Hisob 4:1 boʻldi va Italiya mundialdan quruq qoldi.
Yana bir dramatik oʻyinda gʻolib penaltilar seriyasida aniqlandi. Chexiya va Daniya uchrashuvida 2:2 hisobi qayd etildi, penaltilar boʻyicha Chexiya (3:1) JChga yoʻllanmani qoʻlga kiritdi.
Shuningdek, Turkiya Kosovoni (1:0), Shvetsiya Polshani (3:2) yengib, Yevropadan soʻnggi vakillar sifatida jahon chempionatiga yoʻl olishdi.
Qitʼalararo oʻtish oʻyinlari finalida esa Kongo va Yamayka oʻyini asosiy vaqtida hisob ochilmadi. Ekstra taymlarning 100-daqiqasida burchakdan uzatilgan toʻpni darvozaga kiritgan Tuanzebe Kongoni mundialga olib chiqdi.
Shu tariqa jahon chempiontida Chexiya A guruhi, Bosniya V guruhi, Turkiya D guruhi va Shvetsiya termasi F guruhidan joy oldi. K guruhida esa Portugaliya, Kongo, Oʻzbekiston va Kolumbiya oʻzaro kuch sinashadi.
JCh-2026, Yevropa oʻtish oʻyinlari, final
Bosniya va Gersegovina - Italiya - 1:1 (pen. 4:1)
Shvetsiya - Polsha - 3:2
Kosovo - Turkiya - 0:1
Chexiya - Daniya - 2:2 (pen. 3:1)
JCh-2026, qitʼalararo oʻtish oʻyini
Kongo - Yamayka 1:0
