Namanganda maktab oʻquvchisiga zoʻravonlik qilgan shaxs qamoqqa olindi
Hozirda Yangiqoʻrgʻon tumani IIB Tergov boʻlimi tomonidan jinoyat ishi qoʻzgʻatilgan.
Namangan viloyatida maktab oʻquvchisiga nisbatan sodir etilgan jinsiy zoʻravonlik jinoyati holati Bolalar ombudsmani nazoratiga olindi.
Aniqlanishicha, 2026 yil 28 mart kuni Yangiqoʻrgʻon tumanida yashovchi fuqaro H.D tuman IIB ga murojaat qilib, voyaga yetmagan farzandi O.O (2013 yilda tugʻilgan qiz bola) tumandagi umumtaʼlim maktabi 6-sinfda oʻqishi, mazkur maktabning oʻqituvchisi T.Sh (1973 yilda tugʻilgan erkak) uning farzandiga nisbatan jinsiy zoʻravonlik sodir etganligini bildirgan.
Mazkur holat yuzasidan Yangiqoʻrgʻon tumani IIB Tergov boʻlimi tomonidan Oʻzbekiston Respublikasi Jinoyat kodeksining 119-moddasi 4-qismi bilan jinoyat ishi qoʻzgʻatildi.
Gumonlanuvchi T.Sh protsessual tartibda ushlanib, unga nisbatan qamoqqa olish ehtiyot chorasi chorasi qoʻllanilgan.
Hozirda dastlabki tergov harakatlari olib borilmoqda.
Bolalar ombudsmani oʻz vakolati doirasida bolaga qarshi sodir etilgan jinoyat ishi yurituvi hamda jabrlanuvchi-bolaning protsessual huquqlari taʼminlanishi yuzasidan oʻz kuzatuvini davom ettiradi.
Bu haqda qoʻshimcha tarzda maʼlumot beriladi, deyiladi Bolalar ombdusmani xabarida.
