Ukraina terma jamoasi oʻgʻrilar hujumiga uchradi
Hodisa 2026 yilgi Jahon chempionati uchun Shvetsiyaga qarshi pley-off oʻyini oldidan sodir boʻlgan.
Futbol boʻyicha Ukraina terma jamoasi Shvetsiyaga qarshi Jahon chempionati saralash oʻyini oldidan talonchilikka uchradi.
Record gazetasining xabar berishicha, Ukraina milliy futbol jamoasi 2026 yilgi Jahon chempionati uchun Shvetsiyaga qarshi pley-off yarim final oʻyini oldidan oʻgʻrilar hujumiga duch kelgan.
Manbaga koʻra, oʻgʻrilar Ispaniyaning Benidorm shahridagi jamoa oʻyinga tayyorgarlik koʻrayotgan mehmonxonaga bostirib kirishgan.
Oʻyinchilar va murabbiylar shtabi qimmatbaho soatlar, bir necha ming yevrolik hashamatli buyumlar va naqd pul yoʻqolganini aniqlagan. Oʻgʻirlik futbolchilar va milliy terma jamoa rasmiylari mehmonxona tashqarisida boʻlgan paytda sodir boʻlgan.
Oʻyin esa 26 mart kuni boʻlib oʻtdi va Shvetsiyaning 3:1 hisobidagi gʻalabasi bilan yakunlandi.
