Tramp Erondan keyingi "nishon"ga ishora qildi
Mayamida nutq soʻzlagan AQSh rahbari Kuba haqida gapirdi.
AQSh prezidenti Donald Tramp Erondagi mojaro haqida gapirayotib, Kubani "keyingi" deb atadi.
"Kuba keyingisi", deya taʼkidladi Tramp. AQSh prezidenti aynan nimani nazarda tutayotganini aniq aytmadi.
Soʻnggi vaqtlarda Kuba atrofidagi vaziyat ham keskinlashib bormoqda. Tramp Venesueladan keyin Kuba navbatdagi nishon boʻlishini taʼkidlab kelardi.
Tramp Florida shtatining Mayami shahrida boʻlib oʻtgan investitsiya forumida nutq soʻzladi.
Trampning soʻzlariga koʻra, Qoʻshma Shtatlar Eron bilan muzokaralar olib bormoqda. Uning taʼkidlashicha, "agar biz biror narsani hal qila olsak, juda yaxshi boʻlardi".
U shuningdek, Yaqin Sharq "yangi ozodlik davriga yaqin" ekanligini aytdi.
MC NOW maʼlumotlariga koʻra, Tramp Eronga qarshi AQSh-Isroil operatsiyasiga qiziqishini yoʻqotgan.
