Nyu-York aeroportida samolyot oʻt oʻchirish mashinasi bilan toʻqnashdi
Natijada ikki uchuvchi halok boʻlgan. Kapitan va ikkinchi uchuvchi ogʻir ahvolda qolmoqda.
23 mart kuni Nyu-York aeroportida samolyot oʻt oʻchirish mashinasi bilan toʻqnashib ketdi. Hodisa sabab qurbonlar va jabrlanganlar borligi haqida xabar berilgan. Hozirda aeroportda uchish va qoʻnish taqiqlangan.
Nyu-Yorkdagi LaGuardia aeroportida Air Canada Express CRJ-900 yoʻlovchi samolyoti oʻt oʻchirish mashinasi bilan toʻqnashdi. NBC News manbalarga tayanib xabar berishicha, ikki uchuvchi halok boʻlgan.
Xabarlarga koʻra, kapitan va ikkinchi uchuvchi ogʻir ahvolda.
AQSh Federal aviatsiya maʼmuriyatining xabar berishicha, hozirda aeroportda uchish va qoʻnish taqiqlangan. Flightradar xabar berishicha, 18 ta reys allaqachon boshqa aeroportlarga yoʻnaltirilgan.
Air Canada Express brendi ostida faoliyat yurituvchi Jazz Aviation LP matbuot xizmatining maʼlumotlariga koʻra, bortda 72 yoʻlovchi va toʻrtta ekipaj aʼzosi boʻlgan. Yuk mashinasidagi toʻrtta oʻt oʻchiruvchi jarohat olgan.
Ommaviy axborot vositalarida eʼlon qilingan kadrlarga qaraganda, samolyotning burnidan faqat metall uyum qolgan. Taʼkidlash kerakki, Monreal-Nyu-York-Los-Anjeles reysi ikki dvigatelli Bombardier SRJ-900 samolyoti tomonidan amalga oshiriladi.
