Jahon banki Oʻzbekistonga 200 mln dollar ajratadi
Mablagʻ transport infratuzilmasiga sarflanadi. Qariyb 180 ta koʻprik va drenaj inshootlari quriladi yoki rekonstruksiya qilinadi.
Jahon banki transport infratuzilmasini rivojlantirish va isloh qilish uchun Oʻzbekistonga 200 million dollar ajratadi.
Loyiha doirasida Surxondaryo viloyatidagi M-41 avtomagistralining 91 km qismi qayta quriladi: yoʻl ikki polosalidan toʻrt polosaligacha kengaytiriladi, yoʻl qoplamasi yangilanadi, harakat xavfsizligi yaxshilanadi.
Qariyb 180 ta koʻprik va drenaj inshootlari quriladi yoki rekonstruksiya qilinadi.
Mablagʻlar shuningdek, multimodal transport strategiyasini ishlab chiqish va Oʻzbekiston temir yoʻllari tizimini isloh qilish uchun ham ishlatiladi.
Avval Jahon banki Oʻzbekistonga 10,6 million dollarlik grant ajratishi maʼlum boʻlgandi. Mablagʻ eskirgan gaz transporti infratuzilmasidagi kamchiliklarni toʻgʻrilash va uy xoʻjaliklari, sanoat korxonalari uchun tabiiy gazni tejashga yoʻnaltiriladi.
