TIV mulozimi koʻrfaz davlatlarining Oʻzbekistondagi vakillari bilan uchrashdi
Ular asosiy mintaqaviy masalalar, Yaqin Sharqdagi vaziyat yuzasidan fikr almashdi.
Bugun Oʻzbekiston tashqi ishlar vazirining birinchi oʻrinbosari Bahromjon Aʼloyev Qatar, Saudiya Arabistoni, Birlashgan Arab Amirliklari va Kuvaytning Oʻzbekistondagi diplomatik vakolatxonalari rahbarlari bilan uchrashdi.
Muloqot chogʻida Oʻzbekiston va Koʻrfaz arab davlatlari oʻrtasidagi har tomonlama munosabatlarni rivojlantirish, shuningdek, “Markaziy Osiyo – Koʻrfaz arab davlatlari hamkorlik kengashi” formati doirasidagi hamkorlikni kengaytirish masalalari muhokama qilindi.
Bundan tashqari, tomonlar asosiy mintaqaviy masalalar, jumladan Yaqin Sharqdagi vaziyat yuzasidan ham fikr almashdi.
