Putin Shavkat Mirziyoyevni Navroʻz bayrami bilan tabrikladi
Tabrik matnida ikki tomonlama munosabatlarning yuqori darajasi qayd etilgan va ular bilan oʻzaro manfaatli, koʻp qirrali aloqalar muvaffaqiyatli rivojlanib borishiga ishonch bildirilgan.
Rossiya prezidenti Vladimir Putin Oʻzbekiston rahbari Shavkat Mirziyoyevni Navroʻz bayrami bilan tabrikladi. Bu haqda Kreml matbuot xizmati xabar berdi.
Shuningdek, Rossiya prezidenti Ozarbayjon Respublikasi Prezidenti Ilhom Aliyev, Qozogʻiston Respublikasi Prezidenti Qosim-Joʻmart Toʻqayev, Qirgʻiziston Respublikasi Prezidenti Sadir Japarov, Tojikiston Respublikasi Prezidenti Imomali Rahmon, Turkmaniston Prezidenti Serdar Berdimuhamedov, Turkmaniston Xalq Maslahati raisi Gurbanguli Berdimuhamedovga Navroʻz bayrami munosabati bilan tabriklar yoʻlladi.
Tabrik maktublarida ushbu MDH mamlakatlari bilan ikki tomonlama munosabatlarning yuqori darajasi qayd etilgan va ular bilan oʻzaro manfaatli, koʻp qirrali aloqalar muvaffaqiyatli rivojlanib borishiga ishonch bildirilgan.
Navroʻz bayrami bilan Eron rahbarlari - Islom Respublikasi Oliy Rahbari Oyatulloh Seyid Mojtaba Husayniy Xomanaiy va Prezident Masud Pezeshkianga ham tabriklar yoʻllangan.
Vladimir Putin Eron xalqiga ushbu qiyin sinovlarni munosib ravishda yengib oʻtishni tiladi va Moskva bu qiyin damlarda Tehronning sodiq doʻsti va ishonchli hamkori boʻlib qolishini taʼkidladi, deyiladi tabrik matnida.
