Aktyor Chak Norris vafot etdi
Uning sport mashgʻuloti paytida tobi qochgan. Shu sabab 19 mart kuni Gavayi shtatidagi shifoxonaga yotqizilgan.
Aktyor, jang sanʼati ustasi va butun bir jang kinosi davrining timsoli boʻlgan Chak Norris vafot etdi.
Uning oʻlimi payshanba kuni ertalab eʼlon qilindi. TMZ xabariga koʻra, Chak Norris Gavayida vafot etdi. Aktyorning oilasi fojiali xabarni tasdiqladi va uning yaqinlari davrasida vafot etganini taʼkidladi.
Instagramda chop etilgan bayonotda shuningdek quyidagilar qayd etilgan: "U ezgu maqsad va sevgan odamlariga sodiqlik bilan hayot kechirdi".
TMZ xabar berishicha, aktyor oʻlimidan sal oldin, 18 yoki 19 kuni shifoxonaga yotqizilgan. Vaziyat tez rivojlandi: manbaga koʻra, Norris chorshanba kuni mashgʻulot oʻtkazayotgan va yaxshi kayfiyatda edi.
Chak Norris 1980 yillardagi "Delta otryadi" va "Jangda bedarak yoʻqolgan" kabi jang filmlaridagi rollari tufayli butun dunyoga shuhrat qozondi. 1990 yillarda u Texas Ranger Kordell Uoker roli bilan oʻzining yulduzlik mavqeini mustahkamladi.
Uning nomi nafaqat kuch va xarizma ramziga, balki filmlardan tortib internet memlarigacha pop madaniyatining bir qismiga aylandi.
