"Afrosiyob" poyezdining yangi yoʻnalishi ochildi
Endi elektropoyezd haftaning juma, shanba va yakshanba kunlari Toshkent–Shahrisabz–Toshkent yoʻnalishida ham harakatlanadi.
“Afrosiyob” elektropoyezdlari yangi yoʻnalishda harakatlanadi. Bu haqda Transport vazirligi xabar berdi.
2026 yil 27 martdan boshlab, yuqori tezlikda harakatlanuvchi “Afrosiyob” elektropoyezdlari haftaning juma, shanba va yakshanba kunlari Toshkent–Shahrisabz–Toshkent yoʻnalishida qatnovlarni yoʻlga qoʻyadi.
Mazkur qatnovlar yoʻlovchilarga qulaylik yaratish hamda hududlar oʻrtasidagi transport aloqalarini yanada yaxshilash maqsadida tashkil etilmoqda.
Poyezdlar quyidagi jadval asosida harakatlanadi:
“Toshkent — Shahrisabz” yoʻnalishida Toshkent shahridan poyezd soat 06:33 da harakatlanadi.
“Shahrisabz — Toshkent” yoʻnalishida Shahrisabz shahridan poyezd soat 16:24 da harakatlanadi.
Chiptalarni rasmiy savdo kassalari hamda onlayn platformalar orqali xarid qilish mumkin.
