Eskrou tizimi boʻyicha komissiyalar haqida maʼlumot berildi
Koʻchmas mulk boʻyicha komissiya bazaviy hisoblash miqdorining 50 foizidan oshmaydi (206 000 soʻmgacha).
Markaziy bank 1 apreldan boshlab eskrou tizimi orqali amalga oshiriladigan bitimlar boʻyicha xizmatlar uchun komissiyalar haqida axborot berdi. Jumladan:
Koʻchmas mulk boʻyicha: komissiya bazaviy hisoblash miqdorining 50 foizidan oshmaydi (yaʼni 206 000 soʻmgacha).
Avtotransport vositalari boʻyicha: komissiya bazaviy hisoblash miqdorining 25 foizidan oshmaydi (yaʼni 103 000 soʻmgacha).
Muhim jihat: agar xaridor va sotuvchiga bitta bankda xizmat koʻrsatiladigan boʻlsa — komissiya faqat bir marta olinadi.
Agar ular turli banklarda boʻlsa — har bir bank komissiyaning yarmidan oshmagan qismini oladi.
Agar bitim amalga oshmasa yoki bekor qilinsa — eskrou hisobvaragʻidagi mablagʻ xaridorga qaytariladi.
Muhim: Ushbu belgilangan maksimal komissiyalar faqat davlat ulushi mavjud tijorat banklarida amal qiladi.
Boshqa tijorat banklarida esa komissiya miqdori bankning ichki tarif siyosatiga muvofiq belgilanadi.
