Shahram Gʻiyosov uchinchi bor jahon chempionligi uchun jangni oʻtkazib yuborishi mumkin
Bokschi oxirgi jangini 2025 yil 12 aprelda oʻtkazgan va toʻrtinchi raundda Franko Maksimiliano Okamponi magʻlub etgandi.
Oʻzbekistonlik bokschi Shahram Gʻiyosov yana bir WBA yarim oʻrta vazn toifasidagi chempionlik jangini oʻtkazib yuborishi mumkin. Bu haqda Sports.kz xabar berdi.
Taniq jurnalist Den Rafaelning soʻzlariga koʻra, Jahon boks assotsiatsiyasi (WBA) birinchi raqamli bokschi Gʻiyosov va ikkinchi raqamli bokschi Raul Kuriel oʻrtasida vaqtinchalik chempionlik jangini oʻtkazishni koʻrib chiqmoqda.
Jang 2 may kuni Gilberto Ramirez boshchiligidagi pullik tadbir doirasida boʻlib oʻtishi mumkin.
Agar tasdiqlansa, bu Gʻiyosovning majburiy chempionlik jangi uchinchi marta qoldiriladi.
Avvalroq vaziyat quyidagicha rivojlangan edi:
Birinchidan, WBA Eimantas Stanionis va Jaron Ennis oʻrtasida 2025 yil aprel oyida birlashtiruvchi jang oʻtkazishga ruxsat berdi va Gʻiyosov oʻz oʻrnini tark etishga rozi boʻldi.
Ennisning gʻalabasi va ogʻirroq vazn toifasiga oʻtganidan soʻng, chempionlik Rolando Romeroga nasib etdi, ammo u bilan Gʻiyosov oʻrtasidagi jang boʻlib oʻtmadi.
Endi majburiy himoya oʻrniga WBA vaqtinchalik chempionlik jangini oʻtkazishni koʻrib chiqmoqda.
Gʻiyosovning oʻzi oxirgi jangini 2025 yil 12 aprelda oʻtkazgan va toʻrtinchi raundda Franko Maksimiliano Okamponi magʻlub etgan.
Oʻzbekistonlik bokschi 2024 yil fevralidan beri WBA majburiy daʼvogar maqomiga ega.
