Toshkentdagi yana bir savdo markazida yongʻin roʻy berdi
Shayxontohur tumanidagi Park in Mall oilaviy koʻngilochar savdo markazidagi yongʻinda jarblanganlar va qurbonlar yoʻq.
15 mart kuni Toshkent shahar Shayxontohur tumani, Botir Zokirov koʻchasida joylashgan Park in Mall oilaviy koʻngilochar savdo markazida yongʻin roʻy berdi.
Markazning 3-qavatida yongʻin sodir boʻlayotgani toʻgʻrisida Toshkent shahar FVBga xabar tushgan. Shunga koʻra, qutqaruv texnikalari aytilgan manzilga yetib borib, yongʻin oʻchirildi.
Yongʻin oqibatida jarohatlanganlar yoʻq. Aytilgan manzilda Park in Mall oilaviy koʻngilochar savdo majmuasining 3-qavati 25 kv.m maydoni yonib zararlangani aniqlandi. Yongʻin hududi taʼmirlanayotgan boʻlgan.
Hozirda yongʻin sababi va keltirilgan moddiy zarar miqdori aniqlanmoqda, deyiladi FVV xabarda.
Eslatib oʻtamiz, yanvar oyida Toshkentdagi "Aviator" savdo markazida yongʻin roʻy bergan va bir kishi halok boʻlgandi.
