Yoʻllardagi noqonuniy qazish ishlari masofadan aniqlanadi
Bu jarayonda sunʼiy yoʻldoshlar va aerokosmik texnologiyalardan foydalaniladi.
Yoʻllardagi noqonuniy qazish ishlari masofadan aniqlanadi. Bu haqda Transport vazirligi huzuridagi Transport nazorati inspeksiyasi buyrugʻida maʼlum qilingan.
Noqonuniy qazish ishlari endilikda sunʼiy yoʻldoshlar va aerokosmik texnologiyalar yordamida masofadan turib aniqlanadi. Ushbu jarayon "Kosmik tadqiqotlar va texnologiyalar" agentligi ("Oʻzbekkosmos") bilan yaqin hamkorlikda amalga oshiriladi.
2026 yilning fevral oyidan boshlab hududlardagi barcha yoʻllarda doimiy masofaviy kuzatuv va qoidabuzarlarga nisbatan chora koʻrish tizimi ishga tushdi.
Ushbu tizim yoʻl qoplamalarining asossiz shikastlanishini oldini olish va davlat mulkini muhofaza qilish samaradorligini oshirishga xizmat qilishi belgilangan.
