Oʻzbekistonlik ayol Nyu-Yorkdagi YTHda vafot etdi
Hodisa shahar transport departamentining yuk mashinasi ishtirokida sodir boʻlgan. Fevral oyida 11 yoshli oʻzbekistonlik Amira Aminova ham vafot etgandi.
AQShdagi YTHda yana bir Oʻzbekiston fuqarosi halok boʻldi.
Joriy yilning 10 mart kuni Nyu-York shahrida yana bir yoʻl-transport hodisasi sodir boʻldi. Natijada Oʻzbekiston fuqarosi Nilufar Komilova vafot etdi. Maʼlumotlarga koʻra, hodisa Nyu-York shahar transport departamentining yuk mashinasi ishtirokida sodir boʻlgan.
Oʻzbekistonning Nyu-York shahridagi Bosh konsulxonasi hodisa sabab taʼziya bildirdi. Maʼlum boʻlishicha, Komilova ikki farzandning onasi edi.
Bosh konsulxona marhumaning oilasi bilan doimiy aloqada boʻlib, zarur konsullik-huquqiy yordam koʻrsatishga tayyorligini maʼlum qilgan.
Shu yil fevral oyida Nyu-Yorkdagi yoʻl-transport hodisasi oqibatida 11 yoshli oʻzbekistonlik Amira Aminova ham vafot etgandi.
